港島
中山紀念公園 (户外, 大草地, 兒童遊樂場; 室內, 幼兒遊戲室)
地點有點僻, 不過個大草地加兒童遊樂場真係好吸引; 旁邊體育館仲有室內兒童遊戲室添!
數碼港 (户外, 大草地)
上年復活節嘉年華去, 有免費攤位遊戲, 户外又有個大草地, 有人玩波放狗, 又多外國人, 阿B超開心, 好似去左外國咁!
九龍
玩具反斗城 (室內)
毫無疑問, 呢個係好吸引小朋友的地方, 連平日好少出聲的恩年都忍唔住要講野(一堆聽唔明的BB話)
我去開尖沙咀海運, 夠大, 又有育嬰室, 方便!
IKEA宜家傢俬 (室內, 遊樂場)
我上次去MegaBox的, 夠大, 平日屋企乜都唔俾掂, 宜家任玩, 行完一個宜家, 已經放哂佢D電
另外, MegaBox仲有個好大O既playhouse架
香港科學館 (室內)
雖然佢仲人仔細細, 不過開始識行識走, 對乜都好奇. 不妨帶佢見識下. 原來有D野佢真係覺得好有趣, 睇下都開心.
我去O個日一心買家庭通行證, 可以去唔同博物館, 點知當日唔使錢, 慳番~
九龍城寨公園 (户外, 兒童遊樂場)
睇下歷史, 睇下花花草草, 有公園玩, 九龍城又多美食, 怎能不去?
佐敦谷公園 (户外, 大草地, 兒童遊樂場)
千萬別去錯, 係順利邨附近呢個, 有兒童遊樂場, 又有大草地, 正!
大角咀兒童遊戲室 (室內, 幼兒遊戲室)
荔枝角公園 (户外, 兒童遊樂場)
古式建築, 影相靚! 仲有我個仔好鍾意的花花草草, 水(人工湖)同雀仔, 未去遊樂場, 阿仔已經冇電啦>.<
新界
屯門湖蝶灣 (户外, 沙灘)
夏天到, 去玩沙, 玩水, 下午沙灘有影唔曬, 遊水好過黃金海岸個人造沙灘好多
屯門公園 (户外, 兒童遊樂場; 室內, 爬蟲館)
有花, 有湖, 有兒童遊樂場, 仲有個爬蟲館, 住附近一定要去一去
天水圍天暉路體育館-兒童遊戲室 (室內, 幼兒遊戲室)
BB開始學爬, 想刺激下佢, 原來可以帶佢去政府康文署轄下的兒童遊戲室, 免費架!
免費當然要排隊, 最好揀人少日子時段, 較大地方的遊戲室.
哈哈, 我多數去天暉路體育館, 315平方米, 阿仔就係去左幾次, 成為爬行高手, 仲好快識行呢!
元朗河背水塘 (户外, 行山)
恩年未出世, 我地兩公婆已經好鍾意行山, 不過都係家樂俓.
呢度我們黎過好多次, 水塘景好靚, 係上山條大斜路最辛苦, 第一次帶小B行山, 佢未識行, 全程抱住佢, 感覺? 超正!
荃灣廣場-Kids Carnival (室內, 户外,兒童遊樂場)
呢度好係連住幾個商場, 有Aeon, 一田, 仲有好大個户外遊樂場. 不過我介紹係收費室內遊樂場.
平日去, 基本上冇人, 有分幼兒同小童區, 百幾蚊任玩一日! 大家可以睇下屋企附近有冇大型室內遊樂場, 都真係幾好玩.
沙田文化博物館 (室內)
我剛好遇到藝想天開同李小龍展, 加埋個兒童探知館, 只係$10入場, 超抵!
政府康文署轄下的公園及動植物公園
http://www.lcsd.gov.hk/b5/ls_park.php
政府康文署轄下的兒童遊戲室
http://www.lcsd.gov.hk/b5/ls_fac_playroom.php
教養孩童走他當行的路，就是到老，他也不會偏離。箴22:6
沒有留言:
張貼留言